Sansar News
काठमाडौं । प्रधानमन्त्री पुष्पकमल दाहाल ‘प्रचण्ड’ स्वास्थ्य जाँचका लागि नर्भिक अस्पतालमा पुगेका छन् ।
प्रधानमन्त्रीका चिकित्सक डा. युवराज शर्माको सल्लाह अनुसार प्रधामन्त्री प्रचण्ड नर्भिक अस्पतालमा स्वास्थ्य जाँचका लागि पुगेको प्रधानमन्त्रीका प्रेस सल्लाहकार गोविन्द आचार्यले जानकारी दिएका छन् ।
‘प्रधानमन्त्रीज्यूका चिकित्सक डा. युवराज शर्माले स्वास्थ्य जाँचका लागि सल्लाह दिएपछि नर्भिकमा परीक्षणमा जानु भएको हो । परीक्षण पछि उहाँ फर्कनुहुन्छ ।’ आचार्यले संसारन्युजसँग भने ।
उनले समस्या भएर गएको नभइ डाक्टरको सल्लाह अनुसार चेकजाँचका लागि गएको पनि बताए ।
वि.सं.२०८० असोज ३० मंगलवार १९:४९ मा प्रकाशित
