Sansar News
काठमाडौं । कोशी प्रदेशका मुख्यमन्त्री केदार कार्कीले विश्वासको मत पाएका छन् ।
गत साता नेकपा एमालेको समर्थनमा मुख्यमन्त्रीमा नियुक्त भएका नेपाली कांग्रेस शेखर कोइराला समुहका नेता कार्कीले आज बसेको प्रदेशसभाबाट विश्वासको मत पाएका हुन् ।
कार्कीले आज बसेको बैठकको निर्वाचन प्रक्रियामार्फत् एमालेसहित गठबन्धन दलमा रहेका पार्टीको ८६ मत प्राप्त गरेका हुन् ।
प्रदेश सभामा रहेका ९३ सांसद मध्ये ९१ ज्ना मतदानमा सहभागीी भएका थिए भने एक अनुपस्थित र एक उपसभामुख रहेका कारण मत दिन नपाएको तथा राष्ट्रिय प्रजातन्त्र पार्टीका ६ सांसदमध्ये एक सांसद अनुपस्थित भएका कारण पाँचमत विपक्षमा परेको बताइएको छ ।
कार्की गत साता संविधानको धारा १६८ को उपधारा ५ अनुसार मुख्मन्त्रीमा नियुक्त भएका थिए ।
वि.सं.२०८० कात्तिक १ बुधवार १७:४० मा प्रकाशित
