Sansar News
काठमाडौं । प्रधानमन्त्री पुष्पकमल दाहाल ‘प्रचण्ड’ले इजरायलमा हमासद्वारा बन्दी बनाईएका नेपाली विद्यार्थी विपिन जोशीका परिवारलाई भेटेका छन् ।
सुदूरपश्चिम महोत्सव कार्यक्रमको उद्घाटका लागि कैलाली पुगेका प्रधानमन्त्री प्रचण्डले जोशीको परिवारसँग भेट गरेका हुन् ।
प्रधानमन्त्री प्रचण्डले कैलालीको धनगढी विमानस्थलमा जोशीका बुबाआमासँग भेट गरेका हुन् ।
सुदूरपश्चिम विश्वविद्यालयको कृषि विज्ञान संकायमा अध्ययनका लागि ‘लर्न एण्ड अर्न’ कार्यक्रमअन्तर्गत गत भदौमा इजरायल पुगेका थिए विपिन । इजरायलको किवुजस्थित कृषि फार्ममा गत असोज २० गते हमासले आक्रमण गर्दा १० नेपाली विद्यार्थीको मृत्यु भएको थियो भने जोशी सम्पर्क विहीन भएका थिए । सरकारले जोशीको रिहाइको लागि विभिन्न कुटनीतिक पहलहरु ग्रिरहेको छ ।
वि.सं.२०८० मंसिर २२ शुक्रवार १३:५८ मा प्रकाशित
