Sansar News
काठमाडौँ । नेकपा (एकीकृत समाजवादी) को केन्द्रीय कमिटीको बैठक काठमाडौँमा सुरु भएको छ । बैठक आजदेखि ललितपुरको बालकुमारीमा सुरु भएको हो ।
पुस १३ गतेसम्म चल्ने बैठकमा मूलतः पार्टीको विधानमाथि छलफल हुने एकीकृत समाजवादीले जनाएको छ । यसअघि एकीकृत समाजवादीले विधान मस्यौदा बनाउन उपाध्यक्ष बेदुराम भुसालको संयोजकत्वमा महासचिव घनश्याम भूसाल र उपमहासचिव प्रकाश ज्वाला रहेको समिति बनाएको थियो ।
यस केन्द्रीय कमिटी बैठकपछि आगामी माघ १४ र १५ गते पार्टीको केन्द्रीय परिषद् बैठक बस्ने एकीकृत समाजवादीले जनाएको छ । बैठकमा पार्टीको आगामी महाधिवेशनको विषयमा पनि छलफल हुने नेताहरुले बताएका छन् । आगामी जेठ ३ गतेदेखि पहिलो महाधिवेशन गर्ने एकीकृत समाजवादीले जनाएको छ ।
वि.सं.२०८० पुस ११ बुधवार १२:२५ मा प्रकाशित
