हामी सबैकाे संसारन्यूज

काठमाडौं । चालु आर्थिक वर्षको पुषसम्ममा कुमारी बैंकको अवस्था झन नाजुक देखिएको छ । बैंकको अवस्था चालु आवबाटनै खराब देखिएको हो ।

बैंकले पुससम्म जम्मा ८६ करोड ७२ लाख ११ हजार रुपैयाँ नाफा कमाएको देखिन्छ । यो नाफा गत आवको सोही अवधिको तुलनामा १४।३१ प्रतिशत कम हो । गत वर्ष बैंकले बैंकले एक अर्ब एक करोड २० लाख ७० हजार रुपैयाँ नाफा कमाएको थियो ।

छ महिनामा बैंकको वितरणयोग्य मुनाफा पनि तीन अर्ब ७७ करोड १८ लाख ३४ हजार रुपैयाँ ऋणात्मक छ ।

पुषसम्ममा बैंकले ब्याज आम्दानी मात्र ३५।०१ प्रतिशतले बढाएर पाँच अर्ब ७२ करोड ५३ लाख ९९ हजार रुपैयाँ पुगेको छ । तर उसको सञ्चालन आय ५।०८ प्रतिशत घटेर १ अर्ब ४९ करोड ३५ लाख १७ हजार रुपैयाँ झरेको छ ।

गत वर्ष एनसिसि बैंकसँग लगनगाँठो कसेको बैंकको चुक्ता पूँजी २६ अर्ब २२ करोड ५८ लाख रुपैयाँ रहेको छ भने जगेडा कोषमा नौ अर्ब ६५ करोड ६३ लाख रुपैयाँ रहेको छ ।

यो अवधिमा बैंकले तीन खर्ब १८ अर्ब ७६ करोड रुपैयाँ निक्षेप संकलन गर्दा दुई खर्ब ७५ अर्ब ४३ करोड रुपैयाँ कर्जा प्रवाह गरेको छ ।
अहिलेसम्मको बैंकको प्रति सेयर आम्दानी ६.६१ रुपैयाँ रहँदा प्रतिसेयर नेटवर्थ १३६.८२ रुपैयाँ रहेको छ ।

बैंकको खराब कर्जा उच्च छ । खराब कर्जा उच्च हुँदा बैंकले थप प्रोभिजन गर्नुपने देखिन्छ । थप प्रोभिजन गर्नु पर्ने भएको बैंकको नाफा थप गिरावट आउने र लगानीकर्ता मारमा पर्ने देखिन्छ । यो अवधिमा बैंकको खराब कर्जा ३।१५ प्रतिशतबाट ह्वात्तै बढेर ४।९७ प्रतिशत पुगेको देखिन्छ ।