हामी सबैकाे संसारन्यूज

‍‍‍‍‍‍‍‍‍‍‍‍‍मोरङ । विष्फोटक पदार्थसहित दुई जना पक्राउ परेका छन् । पक्राउ पर्नेमा ईलाम माम्सेबुङ गाउँपालिका-१ गजुरमुखीका काठमाडौं भिमसेनगोला डेरागरी बस्ने प्रवीण मिश्र र पाँचथर याङवरक गाउँपालिका-१का विपिन अधिकारी रहेका छन् । उनीहरुलाई विभिन्न विष्फोटक पदार्थसहित सोमबार दिउँसो प्रहरीले पक्राउ गरेको हो ।

उनीहरूको साथबाट विष्फोटक पदार्थमा प्रयोग हुने डेटोनेटर ७ थान, १८ फिट ३ ईन्च लम्बाई रहेको डेडकर्ड, सोडा करिब २ केजी, सहयोग रसिद ठेली २ थान तथा विभिन्न कागजात, डिजिटल स्ट्याम्प १ थान, मोबाइल ४ थान, सिम कार्डहरू लगायतका सामान बरामद भएको प्रहरीले जनाएको छ ।

जिल्ला प्रहरी कार्यालय मोरङका अनुसार विराटनगर महानगरपालिका-३ स्थित खाली चौरमा प्रेशर कुकर बम जस्तो बस्तु फेला परेकोमा अनुसन्धानको क्रममा उक्त बस्तु राख्न उनीहरूको संलग्नता रहेको खुलेको छ । उक्त बस्तु नेपाली सेनाको बम डिस्पोजल टोलीले डिस्पोज गरेको छ ।

यस सम्बन्धमा प्रहरीले आवश्यक अनुसन्धान गरिरहेको छ ।

फाइल फाेटाे