हामी सबैकाे संसारन्यूज

‍‍‍‍‍‍‍‍‍‍‍‍‍कास्की । स्रोत नखुलेको सुनचाँदी र नगदसहित एक जना पक्राउ परेका छन् । पक्राउ पर्नेमा भारत पश्चिम बंगाल मेदिनिपुर दासपुर-११ का पोखरा महानगरपालिका-२ मोहोरिया टोलस्थित जय भैरव ज्वेलर्स संचालन गरी बस्ने ४० वर्षीय भारतीय नागरिक सुरजित भौमिक रहेका छन् ।

उनलाई आज (मंगलवार) विहान प्रहरीले स्रोत नखुलेको सुनका गहना तथा काँचो सुन ७ किलो ७ सय ८१ ग्राम ९९ मिलिग्राम, चाँदीका गहना ६ किलो र नगद ६२ लाख ८१ हजार रूपैयाँसहित पक्राउ गरेको हो ।

जिल्ला प्रहरी कार्यालय कास्कीका अनुसार भौमिकले संचालन गरेको उक्त ज्वेलर्सबाट स्रोत खुलाउन नसकेको उक्त गहना र नगदसहित पक्राउ गरिएको हो । यस सम्बन्धमा प्रहरीले आवश्यक अनुसन्धान गरिरहेको छ ।

फाइल फाेटाे