हामी सबैकाे संसारन्यूज

काठमाडौं । नेकपा माओवादी केन्द्रको आजदेखि सुरु भएको विधान अधिवेशनमा विधानमाथि छलफल गर्नका लागि २० वटा समूह बनेको छ ।

विभिन्न नेताहरु सहजकर्ता रहेको  २० वटा टोली समूहले अधिवेशनमा प्रस्तावित विधानमाथि छुट्टाछुट्टै स्थानमा छलफल गर्नेछन् ।

उक्त समूहमा अधिवेशनमा सहभागी भएका मध्येबाट ५० देखि ४४ जनासम्म रहनेछन् । समूहमा भएको छलफलको निष्कर्ष टोली नेताले बैठकमा हलमा पेश गर्ने छन् । समूहले जमलको नाचघर, प्रज्ञाभवन, पेरिसडाँडा लगायतका स्थानमा छुट्टा छुट्टै समूहमा बसेर विधानमाथि छलफल गर्ने बताइएको छ ।

माओवादी केन्द्य्रका अनुसार २० समहमध्ये १ नम्बर समूहको सहजकर्ता अन्जना विशंखेले गर्नेछिन् भने समूह २ को अमृता थापा, ३ को ओनसरी घर्ती, ४ को कमला रोका, ५ को काली बहादुर मल्ल, समूह ६ को कुल प्रसाद केसी, ७ को खगराज भट्ट, समूह ८ को गणेशमान पुन, ९ को जयपुरी घर्ती, समूह १० को जोखबहादुर महरा, समूह ११ को नारायणप्रसाद दाहाल, समूह १२ को परशुराम तामाङ, १३ को पूर्णकुमारी सुवेदी, १४ को प्रह्लाद बुढाथोकी, १५ को महेश्वरजंग गहतराज, समूह १६ को विश्वनाथ साह, समूह १७ को यशोदा सुवेदी, १८ को शशी श्रेष्ठ, १९ को सत्य पहाडी र समूह २० को सहजकर्ता हकिकुल्ला खाँ रहेका छन् ।

उनीहरुलाई पार्टीको बैठकमबाटै सहजकर्ताको रुपमा तोकिएको छ भने बहसमा भागलिने समूहहरुले आ–आफ्नो टोली नेता निर्वाचन गर्ने बताइएको छ ।

समूहको उक्त छलफल बुधबार दिउँसो साढे १ बजेसम्म हुनेछ भने २ बजेबाट बैठक सुरु हुने बताइएको छ ।