Sansar News
सुरुङ्गा (झापा) । झापाको बिर्तामोडमा मुख्य कार्यालय रहेको ‘झापा गोल्डकप’ले नेपाल पत्रकार महासङ्घ झापा शाखाद्वारा स्थापित पत्रकार सहारा उपचार कोषमा आर्थिक सहयोग गरेको छ । ‘अर्ना छैटौँ झापा गोल्डकप’ उद्घाटन समारोहको अवसरमा झापा गोल्डकपले कोषलाई रु एक लाख ११ हजार एक ११ सहयोग गरेको हो ।
सो रकम प्रतिनिधिसभाका सभामुख देवराज घिमिरेको प्रमुख आतिथ्यमा आयोजित कार्यक्रमका बीच आज प्रदान गरिएको थियो ।
बिर्तामोडस्थित डोमालाल राजवंशी रङ्गशालामा आयोजित कार्यक्रममा गोल्डकपका अध्यक्ष विनोद बस्नेतले पत्रकार महासङ्घ झापा शाखाका अध्यक्ष एकराज गिरीलाई सो रकम बराबरको चेक प्रदान गरे ।
पत्रकारको उपचारका लागि स्थापना गरिएको कोषको रकम रु एक करोड नजिक पुगेको महासङ्घका उपाध्यक्ष केशव भट्टराईले जानकारी दिए । झापा गोल्डकपलाई सफल बनाउन झापाली पत्रकारहरूले ठूलो सहयोग गरेको भन्दै उक्त रहकम सहयोग गरिएको अध्यष बस्नेतको भनाइ छ ।
फाइल फोटो
वि.सं.२०८० फागुन २० आइतवार ०७:५१ मा प्रकाशित
