हामी सबैकाे संसारन्यूज

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले राप्रपालाई अब कसैले पनि नजरअन्दाज गर्न नसक्ने बताएका छन् ।

राप्रपाको केन्द्रीय कार्यालय धुमबाराहीमा बसेको केन्द्रीय कार्यसम्पादन समितिको बैठकमा काठमाण्डौं केन्द्रीत जनप्रदर्शनको समिक्षा गर्ने क्रममा अध्यक्ष लिङ्देनले सो कुरा बताएका हुन् ।

अध्यक्ष लिङ्देनले प्रदर्शनमा प्रशासनिक दमनबाट पार्टीका नेता तथा कार्यकर्ता घाइते हुने दुःखद घटना भएपनि समग्रमा प्रदर्शन सफल भएको, पार्टी र एजेण्डाको पक्षमा सकारात्मक सन्देश गएको समेत बताएका थिए ।

पार्टीका प्रवक्ता तथा प्रचार विभाग प्रमुख मोहनकुमार श्रेष्ठका अनुसार जारी बैठकमा कार्यसम्पादन समिति सदस्यहरुले आफ्नो धारणा दिने क्रम जारी छ ।