हामी सबैकाे संसारन्यूज

काठमाडौं । टाटा मोटर्सको विद्युतीय गाडी टियागो इभीको नयाँ मूल्य निर्धारण भएको छ । नयाँ मूल्य अनुसार टियागो इभीको सबै मोडलहरूमा एक लाख रूपैयाँ वृद्धि भएको छ ।

अब टियागो इभी लङ्ग रेञ्जको सुरुवाती मूल्य २७ लाख ४९ हजार कायम हुनेछ । नयाँ आर्थिक वर्षको बजेट नीतिका कारण दुई लाख ५० हजारदेखि ३ लाखसम्म मूल्य बढ्ने भए पनि सिप्रदी ट्रेडिङ र टाटा मोटर्सको सहकार्यमा मूल्य धेरै बढ्दा ग्राहकहरूलाई पर्न जाने भारलाई मध्यनजर गर्दै मूल्यमा न्यूनतम वृद्धि गर्न लागिएको कम्पनीको भनाइ छ ।

कम्पनीको अनुसार अहिले टियागो इभी किन्न सोचिरहेका ग्राहकहरूलाई सीमित स्टक प्रि–बजेट मूल्यमा उपलब्ध गराइने छ । टियागो इभी नेपालको विद्युतीय चारपांग्रे सवारी साधनको बजारमा सर्वाधिक बिक्री हुने ह्याचब्याक हो ।

टाटा टियोगो इभी आरामदायी तथा क्लच र गियरको झन्झट नहुने हुँदा गाडी चलाउन एकदमै सजिलो हुने, पार्किङका लागि सहज, किफायती र वातावरणमैत्री भएका कारण पनि यस गाडीको लोकप्रियता बढिरहेको कम्पनीको दाबी छ ।