हामी सबैकाे संसारन्यूज

काठमाडौं । राष्ट्रिय स्वतन्त्र पार्टी (रास्वपा)ले आफ्नो पार्टीबाट राजदूत बन्नका लागि आवेदन दिन आव्हान गरेको छ ।

सत्ता गठबन्धन दलमा रहेको रास्वपाले दलहरुबीच भागवण्डाका क्रममा परेको आफ्नो भागको राजदूत पदका लागि सोमबारदेखि ‘राजदूत सिफारिस मापदण्ड २०८१’ बनाई अनलाइनबाट आवेदन माग गरेको थियो ।

सोमबार बिहानबाट खुला गरिएको अनलाइन आवेदनमा मंगलबार बिहानसम्म ५० भन्दा बढीले राजदूत पदका लागि आवेदन दिएको कार्यदलकाा संयोजक खनालले जानकारी दिएका छन् । उक्त अनलाइन आवेदन दिने समय शुक्रबार सम्म रहेको छ ।

आवेदनमा परेका नाममा प्रक्रियागत छलफल गरेपछि मात्र पार्टीका तर्फबाट राजदूतमा नाम सिफारिस गरिने बताइएको छ ।

सांसद शिशिर खनालको संयोजकत्व र सोविता गौतम तथा प्रा.डा अतिन्द्र दाहाल सदस्य रहेका समितिले बनाएको मापदण्डसहितको प्रतिवेदन पार्टी सभापति रवि लामिछानेलाईसोमबार हस्तान्तरण गरिएको थियो ।

केही समय अगाडि विभिन्न देशका राजदूत फिर्ता बोलाएको सरकारले जेठ २४ गते विभिन्न मुलुकका लागि राजदूत सिफारिस गरेको थियो । अब बाँँकी रिक्त रहेका तीन देशमध्ये र रास्वाको भागमा दुई देश परेका छन् ।