Sansar News
काठमाडौं । नेपाली कांग्रेसका सभापति शेरबहादुर देउवाले पदाधिकारीको बैठक बोलाएका छन् ।
नेकपा एमालेसँग राष्टिय सहमतिको सरकार बनाउने मध्यरातमा सहमति भएपछि सभापति देउवाले आफ्नै निवास बुढानिलकण्ठमा पदाधिकारीको बैठक बोलाएका हुन् ।
बिहान नौ बजेका लागि बोलाइएको उक्त बैठकमा एमालेसँगको नयाँ सरकार बनाउने समझदारीलाई अनुमोदन गर्ने विषयमा छलफल हुने बताइएको छ ।
कांग्रेस -एमालेबीच सोमबार मध्यराति सहमतिको सरकार बनाउने विषयमा सहमति भएको छ । उक्त सहमति अनुसार पहिलो चरणमा एमाले अध्यक्ष ओली प्रधानमन्त्री बन्नेछन् भने दोस्रो चरणमा कांग्रेस सभापति देउवा प्रधानमन्त्री बन्ने बताइएको छ ।
सोमबार राति भएको समझदारी पत्रलाई दुवै दलभित्र छलफल गरी मंगलबार अन्तिम रुप दिएर अध्यक्ष ओली र सभापति देउवाले हस्ताक्षर गर्ने तयारी भइरहेको बताइएको छ ।
file- photo
वि.सं.२०८१ असार १८ मंगलवार ०८:०१ मा प्रकाशित
