हामी सबैकाे संसारन्यूज

प्रतिनिधि सभाका सदस्य लेखनाथ दाहालले नेकपा एमालेले सरकारसँगको सहकार्य तोड्नुको कारण जनतालाई बताउनुपर्ने बताएका छन् । मङ्गलवार बसेको प्रतिनिधि सभा बैठकमा उनले कम्युनिस्ट घटकबिच एकता र सहकार्यको उद्देश्यले सुरु भएको सत्ता सहकार्यबिचमा तोडिनुले शङ्का पैदा गरेको बताए ।

‘चार महिना अघि केपीको प्रस्तावमा नेपालका कम्युनिस्टमा उत्साह र ऊर्जा थप्नु¥यो । कुनै पनि हालतमा राजनीतिक र रणनीतिक हिसाबले हामी एक ठाउँमा उभिनुपर्छ भन्ने भन्ने केपी ओलीको प्रस्तावलाई प्रचण्डले स्विकार्नुभयो । दाहालले भने, ‘त्यसको जगमा राजनीतिक सहकार्य सत्ता सहकार्यसँग जोडिनुपर्छ भन्ने, मूलभूत रूपमा सहकार्य समीकरण, ध्रुवीकरण एकल प्रत्यासमा जानुपर्छ भन्ने प्रस्ताव प्रचण्डले स्विकार्नुभयो र अन्तर हाम्रो सत्ता सहकार्य भयो ।’

उनले पुरानो समीकरण तोडेर नयाँ समीकरणमा जानुको उद्देश्यमाथि प्रस्टाउन एमालेसँग आग्रह गरेका छन् । दाहालले सत्ता समीकरण आएको परिवर्तनले सुशासन, समृद्ध र सामाजिक न्यायको केन्द्रीय कार्यभार पुरा गर्ने सङ्कल्पमा ब्रेक लागेको बताए ।

‘के कारणले पछिल्लो समय हामीबिचको समीकरण तोडियो । यसको जवाफ दिनुपर्छ । यो चार महिनामा सरकारले के गर्नु पर्थ्यो, के गर्नु हुन्थ्यो ?’ उनले प्रश्न गरे, ‘धेरै विवादहरू मैले देखेँ, यो बिचमा धितो पत्र बोर्डको अध्यक्षको विषयमा लामै समय विवाद भयो । अर्बौँको चलखेल भएको सुनियो । धितो पत्र बोर्डको अध्यक्ष नियुक्ति गर्न सकिएन त्यस कारण हाम्रो सहकार्य टुट्यो ? बेचन झा र प्रतिक थापाको गिरफ्तारी भयो । त्यही कारण सहकार्य टुट्यो ? एमालेले जवाफ दिनुपर्छ ।’