ज्ञानेन्द्र ठाकुर
जनकपुरधाम । स्याङ्जामा पोखरीमा डुबेर दुई बालिकाको मृत्यु भएको छ । जिल्लाको पुतलीबजार नगरपालिका ४ रामकोष स्वारा स्थित आइतबार पोखरीमा डुबेको अवस्थामा बालिकाहरू मृत फेला परेको जिल्ला प्रहरी कार्यालय स्याङ्जाका सूचना अधिकारी प्रहरी नायव उपरीक्षक इन्द्र बहादुर रानाले जानकारी दिए ।
रानाका अनुसार मृत्यु हुनेमा सोही नगरपालिका ४ बस्ने नरेन्द्र बहादुर थापाका कक्षा ९ मा पढ्ने १४ वर्षीय लक्ष्मी थापा र कक्षा ५ मा पढ्ने १२ वर्षीय सुस्मिता थापा रहेका छन् ।
“बालिकाहरू घर देखि पाँच सय मिटर टाढा रहेको पधेरोमा नुहाउन र कपडा धुनको लागि गएका रहेछन् ।” रानाले भने । घटनाको सम्बन्धमा थप अनुसन्धान भइरहेको सूचना अधिकारी रानाको भनाई छ ।
वि.सं.२०८१ असार ३१ सोमवार १३:५४ मा प्रकाशित
