Sansar News
सुर्खेत । कर्णाली प्रदेशमा माओवादीबाट बनेका मन्त्रीहरुले सामुहिक राजीनामा दिने भएका छन् । त्यहाँ नेकपा एमाले नेतृत्वको सरकार छ ।
प्रदेश सरकारमा सहभागी माओवादीका चार मन्त्रीले पत्रकार सम्मेलन गरेर राजीनामा दिन लागेका हुन् । केन्द्रमा कांग्रेस र एमालेको समीकरणको बनेसँगै माओवादी कर्णाली सरकारबाट बाहिरिन लागेको हो ।
यामलाल कँडेल नेतृत्वको प्रदेश सरकारमा माओवादीबाट आर्थिक मामिला तथा योजनामन्त्री महेन्द्र केसी, उद्योग, पर्यटन, वन तथा वातावरणमन्त्री दुर्गबहादुर रावत, ऊर्जा तथा जलस्रोतमन्त्री रणसिंह परियार र सामाजिक विकासमन्त्री वीरबहादुर शाही सहभागी छन् । उनीहरूले आज पत्रकार सम्मेलन गरेलगत्तै मुख्यमन्त्री कँडेल समक्ष राजीनामा पत्र बुझाउनेछन् ।
वि.सं.२०८१ साउन ७ सोमवार १०:५५ मा प्रकाशित
