हामी सबैकाे संसारन्यूज

काठमाडौँ । शुक्रबार नेपाली बजारमा सुनको मूल्यले नयाँ रेकर्ड कायम गरेको छ । आज तोलामा ५ सय रुपैयाँले बढेर सुनको भाउले नयाँ रेकर्ड बनाएको हो । आज चाँदीको मूल्य भने घटेको छ ।

नेपाल सुनचाँदी व्यवसायी महासंघका अनुसार आज छापावाला सुन प्रतितोला एक लाख ४९ हजार ९ सय रुपैयाँमा कारोबार भईरहेको छ भने बिहिबार छापावाला सुनको मूल्य प्रतितोला एक लाख ४९ हजार ४ सय रुपैयाँमा कारोबार भएको थियो ।

त्यस्तै २२ क्यारेट सुन भने प्रतितोला एक लाख ३७ हजार ९ सय १० रुपैयाँमा कारोबार भईरहेको छ ।

यसअघि गत साउन २ गते सुनको भाउ प्रतितोला १ लाख ४९ हजार ८ सय रुपैयाँ पुगेर नयाँ रेकर्ड बनाएको थियो । आज शुक्रबार त्यो रेकर्डलाई तोड्दै सुनको भाउले अर्को नयाँ रेकर्ड बनाएको हो ।

आज चाँदीको मूल्य भने प्रतितोला ५ रुपैयाँले घटेको छ । यस दिन चाँदी एक हजार ९ सय ९५ रुपैयाँमा किनबेच भईरहेको छ । बुधबार चाँदी प्रतितोला एक हजार ८ सय रुपैयाँमा कारोबार भएको थियो।