हामी सबैकाे संसारन्यूज

काठमाडौं । आज काठमाडौंसहित १९ जिल्लामा सतर्कता अपनाउन बाढी पूर्वानुमान महाशाखाले सुझाव दिएको छ ।

महाशाखाका अनुसार आज इलाम, झापा, ताप्लेजुङ, संखुवासभा, रामेछाप, दोलखा, सिन्धुपाल्चोक, सिन्धुली, काभ्रेपलाञ्चोक, काठमाडौँ, ललितपुर, भक्तपुर, मकवानपुर, गोरखा, लमजुङ, कास्की, म्याग्दी, दार्चुला, बझाङ र आसपासका जिल्ला भई बहने केही स-साना नदीहरुमा बहाव बढ्ने पूर्वानुमान रहेकोले नदी तटीय क्षेत्रमा सतर्कता अपनाउन अनुरोध छ ।

त्यसैगरी कोशी, नारायणी, कर्णाली, महाकाली र यसका प्रमुख सहायक नदीहरू साथै कन्काई, कमला, बागमती, पूर्वी राप्ती, पश्चिम राप्ती र बबई नदीको जलसतह सतर्कता तह तलै रहने पूर्वानुमान भएपनि बढ्दो हुने रहेकोले नदी तटीय क्षेत्रका क्रियाकलापमा सतर्कता अपनाउन महाशाखाले अनुरोध गरेको छ ।