Sansar News
काठमाडौँ । दाङमा आइतबार साँझ भएको यात्रुवाहक जिप दुर्घटनाका ७ जना घाइतेमध्ये एकजनाको मृत्यु भएको छ ।
तुलसीपुरबाट सल्यानतर्फ जाँदै गरेको रा १ ज ७७० नम्बरको जीप शान्तिनगर गाउँपालिका १ हाँडिचारमा दुर्घटना भएको थियो ।
घाइतेमध्ये सल्यानको त्रिवेणी गाउँपालिका-३, टोड्केका ४६ वर्षीय यमबहादुर केसीको मृत्यु भएको जिल्ला प्रहरी कार्यालय दाङले जनाएको छ ।
जिल्ला प्रहरी कार्यालयका अनुसार घाइते ६ जनामध्ये गम्भीर अवस्थाका दुई जनालाई उपचारको लागि नेपालगन्ज लगिएको छ ।
घाइते पार्वती केसी र सरीता खड्काको नेपालगञ्ज नर्सिङ होममा उपचार भइरहेको प्रहरीले जनाएको छ ।
दुर्घनामा त्रिवेणी-३, सल्यानका ४५ वर्षीया ऐश्वर्या केसी, ४५ वर्षीया पार्वती केसी, ३४ वर्षीया रेखा वली, ३१ वर्षीया रोजिका वली, त्रिवेणी गाउँपालिका-३, रुकुम पश्चिमकी २५ वर्षीया सरिता खड्का र मध्यनेपाल नगरपालिका-७, लमजुङकी २४ वर्षीया लिला बास्तोला घाइते भएका थिए ।
वि.सं.२०८१ साउन २१ सोमवार ०७:५२ मा प्रकाशित
