हामी सबैकाे संसारन्यूज

काठमाडौँ । नेकपा एमालेले पाँचथरको फालेलुङ गाउँपालिका–५ को विष्फोट घटनामा गृहमन्त्रीको जवाफ मागेको छ । आज बसेको प्रतिनिधिसभा बैठकमा बोल्दै एमालेका प्रमुख सचेतक महेश बर्तौँलाले गृहमन्त्री रमेश लेखकले उक्त घटनाबारे सदनमा आएर जवाफ दिनुपर्ने माग गरेका हुन् ।

उनले भने, ‘यो घटनामा सरकारले सदनमा आएर जवाफ दिनुपर्छ । यतिका समयमा समेत यो घटनामा जोडिएका दोषी को हो ? यस्तो गम्भीर प्रकृतिको घटनामा गृहमन्त्रीले संसदमा आएर जवाफ दिन माग गर्न चाहन्छु ।’

सशस्त्र द्वन्द्वको समयमा छाडिएको बम विष्फोट भएको कुरा आइरहेकाले त्यसको जिम्मेवारी कसले लिने ? भन्दै उनले प्रश्न गरे । गत बिहीबार सकेट विष्फोट भएर एकै घरका दुई नाबालकको मृत्यु भएको थियो भने दुई बालक घाइते भएका छन् ।