हामी सबैकाे संसारन्यूज

काठमाडौं । नाडा अटोमोवाइल्स् एशोसिएशन अफ नेपालले राहत सामग्री वितरण गरेको छ ।नाडाले शनिवार काठमाडाैं उपत्यका प्रहरी कार्यालय रानीपोखरीका प्रमुख तथा अतिरिक्त प्रहरी महानिरिक्षक किरण बज्रचार्यलाई भेटगरी वाईवाई चाउचाउ ५० कार्टुन र जुस ८० कार्टुन हस्तान्तरण गरेको हो ।

नाडाका अनुसार अहिले देश अनपेक्षित अविरल वर्षाको चपेटामा परेको अवस्थामा नाडाका अध्यक्ष करण चौधरीले सो राहत सामग्रीहरु हस्तान्तरण गरेका हुन् । उक्त कार्यक्रममा नाडाका उपाध्यक्ष राजनबाबु श्रेष्ठ र प्रहरी कार्यालयकातर्फबाट प्रहरी वरिष्ठ उपरिक्षक बिनोद घिमिरे समेतको उपस्थिति रहेको नाडाले जनाएको छ ।

नाडाले विगतकाल देखि नै आफ्नो सामाजिक उत्तरदायित्वअन्तर्गत यस्ता राहत सामाग्रीहरु सम्बन्धित निकायहरुलाई वितरण गर्दै आएको जनाएको छ ।