हामी सबैकाे संसारन्यूज

न्यूयोर्क । सन् २०१९ मा डक्ट टेपले भित्तामा टाँसेको एक कोसो केरा १ लाख २० हजार डलरमा बिक्दा सामाजिक सञ्जालमा हंगामा मच्चिएको थियो । तर ‘कमेडियन’ शीर्षकमा इटालियन कलाकार मौरिजिओ क्याटेलानले बनाएको यो कृति न्युयोर्कको सोदबिजको लिलामी घरमा ६२ लाख ४० हजार डलर अर्थात् ८४ करोड ५५ लाख नेपाली रुपैयाँभन्दा बढीमा विक्री भएको छ ।

यो कृति चिनयाँ कलेक्टर तथा क्रिप्टो मञ्चका संस्थापक जष्टिन सनले किनेका हुन् । लिलामी लगत्तै चिनियाँ उद्यमी जस्टिन सनले सो कृति किनेको सोदबिजले भनेको थियो । कृति १० लाख देखि १५ लाख डलरको बीचमा बिक्ने अपेक्षा लिलामी घरको थियो ।

यो कलाकृति पहिलो पटक २०१९ मा मियामीको आर्ट बासेलमा प्रदर्शन गरिएको थियो । त्यतिबेला यो १ लाख २० हजार डलरमा बिकेको थियो । गत बुधबार यसलाई ताजा केरासँगै लिलामीमा राखिएको थियो । यसको विशेषता यही हो कि यसमा एउटा साधारण केरा र डक्ट टेप प्रयोग गरिएको छ । यो कलाकृतिले समाजमा हास्य र विडम्बना झल्काउने यो कलाकृतिका सर्जक क्याटेलन भन्छन् । तर, धेरैले यसलाई कलाको नाममा मजाक ठान्छन् र आलोचना पनि पनि व्यापक गरेका छन् ।