हामी सबैकाे संसारन्यूज

काठमाडौं । स्थानीय तह उपनिर्वाचनअन्तर्गत जनप्रतिनिधि चयनका निम्ति देशका विभिन्न ४१ स्थानमा मतदान जारी छ । ४१ जना जनप्रतिनिधि छान्न आज बिहान ७ बजेदेखि मतदान भइरहेको हो । जसमा ३७६ उम्मेदवार चुनावी प्रतिस्पर्धामा छन् ।

काठमाडाैँ स्थित कीर्तिपुर नगरपालिकामा आइतबार दिउँसो १.५० बजेसम्म समग्रमा ४८.८५ प्रतिशत मत खसेको निर्वाचन अधकिृत इन्दिरा कार्कीले जानकारी दिइन् । उनले हाल सम्म कीर्तिपुर नगरपालिकामा १४ हजार पाँच सय ७६ मत खसेको जानकारी दिइन् ।

कीर्तिपुर नगरपालिका, काठमाडौं महानगरपालिका–१६ सहित सबै स्थानमा शान्तिपूर्ण रूपमा मतदान भइरहेको आयोगका प्रवक्ता नीता पोखरेल अर्यालले जानकारी दिए ।

बिहान ७ बजेदेखि सुरु मतदान बेलुका ५ बजेसम्म जारी रहने छ । त्यसपछि आजबाटै मतगणना सुरु गरिने आयोगले जनाएको छ ।