Sansar News
जाजरकोट । जाजरकोटमा नेकपा माओवादी केन्द्रले उपमेयर जितेको छ । आइतबार भएको उपनिर्वाचन नलगाड नगरपालिकाको उपमेयर माओवादीले जितेको हो ।
माओवादीले ०७९ मा जितेको कुसे गाउँपालिका–७ को वडाध्यक्ष पद भने गुमाएको छ । तर, त्यसबेला कांग्रेसले जितेको नलगाड नगरपालिकाको उपमेयर भने माओवादीले जितेको छ ।
निर्वाचन आयोगका अनुसार नलगाडको उपमेयरमा माओवादीकी देवका लामिछाने विजयी भएकी छन् । उनले ४२७२ मत पाएर विजयी हुँदा कांग्रेसकी इन्द्रा चन्द सिंहले ३१४७ मत मात्रै पाइन् । एमालेकी सुनिता बोहराले २५४२ मत ल्याइन् ।
यसअघि यो नगरपालिकामा माओवादीकै सहयोगमा कांग्रेस विजयी भएको थियो । यसपटक सबै दलहरुले एकल प्रतिस्पर्धा गरेका थिए ।
वि.सं.२०८१ मंसिर १७ सोमवार १०:०० मा प्रकाशित
