Sansar News
काठमाडौँ । नेपाली काङ्ग्रेसले २०७९ मा प्रमुख-उपप्रमुख जितेका छ वटा पालिका मध्ये माओवादीले मोरङको ग्रामथानमा प्रमुख र जाजरकोटको नलगाड नगरपालिका उपप्रमुख ठुलो मतान्तरसहित जितेको छ ।
नेकपा एमालेले पनि दुई पालिका काङ्ग्रेसबाट खोसेको छ । यस अघि काङ्ग्रेसले जितेका बाजुराको स्वामिकार्तिक खापरमा उपप्रमुख एमालेले जितेको छ । एमालेले यो पालिकामा स्थानीय माओवादीसँगको तालमेलमा जित्न सफल भएको हो । यस्तै दैलेखको महाबु पालिकाको प्रमुख पनि एमालेले काङ्ग्रेसबाट खोसेको छ ।
काङ्ग्रेसले यस अघि जितेका चार वटा वडा माओवादीले, चार वटा वडा एमालेले, एक वटा वडा रास्वपाले, दुई वटा वडा जसपाले र एक वटा वडा एकीकृत समाजवादीले खोसिसकेका छन् । यो चुनावमा काङ्ग्रेसलाई ठुलो नोक्सान भएको छ ।
वि.सं.२०८१ मंसिर १७ सोमवार ११:१५ मा प्रकाशित
