Sansar News
काठमाडौँ । सरकारको नेतृत्वकर्ता दल नेकपा एमालेले राजावादीका गतिविधिविरुद्ध जनचेतना जगाउन मोटरसाइकल र्याली निकालेको छ ।
एमालेको भातृ संस्था युवा सङ्घको अगुवाइमा एमालेले काठमाडौँको तीनकुनेबाट मोटरसाइकल र्याली निकालेको हो ।
सोही अवसरमा एमाले महासचिव शङ्कर पोखरेले राजावादीहरूको संविधान र व्यवस्था विरोधी गतिविधिविरुद्ध देशभर जागरण सभा र मोटरसाइकल र्याली आयोजना गरेको जनाए ।
महासचिव पोखरेलले गणतन्त्र जिन्दाबाद, प्रतिगमन मुर्दावाद, हिंसा, हत्या र लुटपाट मुर्दावाद, जन्मसिद्ध श्रेष्ठता अस्वीकार छैन, दास र रैती बन्न मन्जुर छैन लगायतका नारासहित कार्यक्रमको शुभारम्भ गरेका थिए ।
वि.सं.२०८१ चैत १८ सोमवार १७:५६ मा प्रकाशित
