विहादी गाउँपालिका पर्वतले ‘गाउँपालिका अध्यक्ष कप–२०८२’ अन्तर्गत भलिबल प्रतियोगिता तथा विविध कार्यक्रम आयोजना गर्ने भएको छ ।
गाउँपालिकाका अध्यक्ष परबिन गुरुङका अनुसार यही आउँदो वैशाख २३ देखी २७ गतेसम्म ‘गाउँपालिका अध्यक्ष कप–२०८२’ आयोजना गर्न लागिएको हो ।
अध्यक्ष कपमा महिला तथा पुरुष भलिबल प्रतियोगिता, शिक्षक–कर्मचारी स्तरीय मैत्रीपूर्ण भलिवैल प्रतियोगिता हुने गुरुङले जानकारी गराएका छन् । पुरुष भलिबल प्रतियोगिता भने जिल्ला स्तरिय हुने छ ।
भलिबल प्रतियोगितामा विहादी गाउँपालिका भित्रका वडा–वडाका समूहबिच प्रतिस्पर्धा हुने छ । प्रतियोगितामा उत्कृष्ट खेलाडीलाई १० हजार, अनुशासित खेलाडीलाई पाँच हजार रुपैयाँ पुरस्कारको व्यवस्था गरिएको छ ।
पुरुष भलिबलतर्फ प्रथम पुरस्कार एक लाख ५० हजार, उत्कृष्ट ब्लकर पुरस्कार पाँच हजार, द्वितीय पुरस्कार एक लाख पाँच हजार, उत्कृष्ट सेटर पुरस्कार पाँच हजार, तृतीय पुरस्कार ७५ हजार पाँच सय रुपैयाँ राखिएको अध्यक्ष गुरुङले बताए ।
यस्तै महिला भलिबलतर्फको विजेताले १५ हजार, उत्कृष्ट स्पाईकरले पाँच हजार तथा उप–विजेताले १० हजार रुपैयाँ पुरस्कार प्राप्त गर्ने छन् । सम्पूर्ण विहादीवासी, वडामा रहेका खेलाडीहरूलाई कार्यक्रममा सहभागी हुन उनले आग्रह गरेका छन् ।
वि.सं.२०८२ वैशाख १५ सोमवार १२:४३ मा प्रकाशित
