Sansar News
स्याङ्जाका ट्याक्टरले ठक्करबाट आइतबार ११ः५० बजे एक महिला घाइते भएकी छन् । कालीगण्डकी गाउँपालिका ५ कट्टी स्थित मिर्मि-भुस्तुङ भित्री सडक खण्डमा लु.४ त. ३७९० नम्बरको ट्याक्टरले ब्याक गर्ने क्रममा मिर्मिबाट भुस्तुङतर्फ जाँदै गरेको लु. ९४ प. ९४५७ नम्बरको मोटरसाइकललाई ठक्करलाई ठक्कर दिएको थियो ।
जिल्ला प्रहरी कार्यालय स्याङ्जाका सूचना अधिकारी प्रहरी निरीक्षक प्रवेश तिवारीका अनुसार ट्याक्टरको ठक्करबाट मोटरसाइकल पछाडि सवार कालिगण्डकी गाउँपालिका ४ घरीपोखरा बस्ने ३५ वर्षीय भगवती पाण्डे घाइते भएकी हुन् ।
उनको कालिगण्डकी अस्पतालमा सामान्य उपचार पश्चात् थप उपचारको लागि पाल्पा पठाइएको छ । पाण्डेको टाउकोमा चोट चोट लागेको र दुवै सवारी साधनसहित ट्याक्टर चालकलाई प्रहरीले नियन्त्रणमा लिएको सूचना अधिकारी तिवारीले बताए । घटनाको सम्बन्धमा थप अनुसन्धान कार्य भई रहेको छ ।
वि.सं.२०८२ वैशाख २२ सोमवार १०:३३ मा प्रकाशित
