Sansar News
काठमाडौं । नेकपा माओवादी केन्द्रले संसदीय सुनुवाइ समितिको बैठक बहिस्कार गरेको छ । सर्वोच्च अदालतमा प्रस्तावित तीन न्यायाधीश र एक न्याय परिषद सदस्यको अनुमोदन गर्न बसेको समितिको बैठक माओवादीका सांसदहरु जनार्दन शर्मा र जगप्रसाद शर्माले बहिष्कार गरेका हुन् ।
न्यायाधीशमा प्रस्तावित नाम समावेशी नभएकाले आफूहरू निर्णय प्रक्रियामा सहभागी नहुने भन्दै उनीहरु बैठकबाट बाहिरिएका थिए । बैठक बहिष्कार गरेका सांसद जगप्रसादले प्रस्तावित नाम समावेशी नभएकोले आफूहरू निर्णय प्रक्रियामा सामेल नभएको बताए ।
सिफारिस भएका व्यक्तिको बारेमा असहमति भएर नभई संविधान उलङ्घन हुन लाग्यो भनेर निर्णय प्रक्रियामा सामेल नभएको उनको भनाइ छ ।
वि.सं.२०८२ असार २३ सोमवार १४:४५ मा प्रकाशित
