हामी सबैकाे संसारन्यूज

२४ जेठ काठमाडौँ । आयोजक इङल्यान्ड च्याम्पियन्स ट्रफीको सेमिफाईनलमा प्रवेश गरेको छ । हिजो राति कार्डिफमा भएको भएको खेलमा इङल्यान्डले किवि टोली न्युजिल्यान्डलाई ८७ रनले हरायो ।

पहिला ब्याटिङ गरेको घरेलु टोली इङल्यान्डले ४९.३ ओभरमा सबै विकेट गुमाएर ३१० रनको सम्मानजनक स्कोर खडा गरेको थियो । इङलयान्डका लागि जोए रुटले ६४, जोस बटलरले ६१, एलेक्स हेल्सले ५६ तथा बेन स्टोक्सले ४८ रनको योगदान गरेका थिए । न्युजिलयान्डका लागि कोरे एन्डरसन तथा एडम मिल्ने ले समान ३ विकेट तथा टिम साउथीले २ विकेटट हात पारेका थिए । ३११ रनको विशाल लक्ष्य पछ्याएको किवी टोलीे ४४.३ ओभरमा २२३ रन बनाउदै अल आउट हुन पुग्यो । न्युजिलयान्डका लागि केन विलियम्सनले ८७ रनको सानदारी पारी खेलेको भएतापनि टिमको हार टार्न सकेनन् । यसै गरि न्युजिल्यान्डका लागि रोस टेलरले ३९ तथा मार्टिन गुप्टिलले २७ रन् बनाएका थिए । किवी टोलीलाई सस्तैमा समेट्ने क्रममा इङल्यान्डका लियमा पलङकेटले ४ तथा आदिल रसिद र ज्याक बलले २२ विकेट लिएका थिए ।