हामी सबैकाे संसारन्यूज

काठमाडौँ । मिराज अर्यालको निर्देशनमा बहुप्रतिक्षित लोकदोहोरी गीत ‘उडी जाने बनको चरी’ सार्वजनिक भएको छ । गायक बिसु गुरुङ र गायिका शान्तिश्री परियारको स्वरमा रहेको उक्त गीत फागुन १ गते प्रिमियर गरिएको हो । गीतले सार्वजनिक भएको छोटो समयमै बढी भ्युज बटुलेको छ ।

‘उडी जाने बनको चरी’ मा कृष्ण गुरुङ, बिसु गुरुङ र नेत्र जी पन्तको शब्द रहेको छ भने संगीत बिसु गुरुङकै रहेको छ । जुझु गुरुङले एरेञ्ज गरेको गीतलाई हेमराज डाँगीले मिक्स तथा मास्टरिङ गरेका हुन् । गीत महक स्टुडियोमा रेकर्ड गरिएको हो ।

भिडियोमा आयुष्मा मगर, आलोक अर्याल र आशिष अर्याल लगायतका कलाकारको अभिनय रहेको छ । बाल कलाकारका रूपमा आलोक अर्याल देखिएका छन् । छायांकन दिनेश बिष्टले गरेका हुन् भने कोरियोग्राफी आशिष अर्यालले गरेका छन् । सम्पादन तथा कलर मिराज अर्यालले गरेका छन् ।

गीतको कथा तथा निर्देशन पनि मिराज अर्यालले गरेका हुन् । निर्माण बिसु गुरुङले गरेका छन् भने पोस्ट–प्रोडक्सन रिमा फिल्म्सले गरेको छ ।

मौलिक लोकदोहोरी स्वाद बोकेको ‘उडी जाने बाँको चरी’ले प्रेम, भावना र ग्रामीण परिवेशको कथा प्रस्तुत गरेको निर्माण पक्षले जनाएको छ । दर्शक तथा श्रोता माझ गीतले सकारात्मक प्रतिक्रिया पाइरहेको बताइएको छ ।