हामी सबैकाे संसारन्यूज

सतीश पण्डित
भानु, तनहुँ हाल चन्द्रागिरी , मातातीर्थ

१.
जनताको मत चढेर
रमाएर सत्ता सुखमै
कर्तव्यमा सधैँ लडेर ।

२.
सपना महल देखाउने
लुकाएर राख्ने यथार्थ
विश्वास कसले लेखाउने ?

३.
बोलीमा मीठो सपना
जनता यही चाहन्छन्
नबनाऊ अनेक बाहना ।

४.
सत्तामा चेहरा फेरियो
उस्तै रह्यो हालत
जनता जालमा बेरियो ।

५.
सडक वाचा बनाइयो
हरायो विकास कहाँ ?
धुलोमै वर्षौँ बिताइयो ।

६.
विकासको गीत गाएर
उडाउँछन् बजेट हावामा
जनता धर्धरी रुवाएर ।

७.
घोषणा ठूलो बनाउने
नगर्ने काम रत्तिभर
आशा किन देखाउने ?

८.
देशभक्ति गाउँछन् मुखमा
व्यवहारमा केवल स्वार्थ
हुँद‌ैनन् जनताको दुखमा ।

९.
हातमा झण्डा बोकेर
लुकाएर स्वार्थ भित्रभित्रै
हिँड्छन् छाती ठोकेर।

१०.
कुर्सीलाई देवता मान्छन्
यसरी बन्दैन भविष्य ?
देशलाई बिर्सेर जान्छन् ।