हामी सबैकाे संसारन्यूज

सुनिता बराल,काठमाडौँ

भन्छन् समाजसेवी सेवा विचित्रका छन्
ठग्छन् ती दिनदहाडै धन्दा विचित्रका छन्

दौलत हुँदा सबै छन् मर्दा हुँदैन कोही
बुझ्नै सकिन्न कहिल्यै नाता विचित्रका छन्

ठान्थे सबैजनाले ज्ञानी छ ऊ असाध्यै
हिँड्दै छ मोज गर्दै पारा विचित्रका छन्

निस्तेज पार्छु उसको साहस भनेर हिँड्छ
आफैँ हुने खरानी इच्छा विचित्रका छन्

बन्नेछ देश भन्दै हिँड्छन् सदैव नेता
तर देश बन्न रोक्ने बाधा विचित्रका छन्

बहर : मुजारे मुसम्मन अखरब
अर्कान : मफऊल फाइलातुन् / मफऊल फाइलातुन्
वजन : २२१ – २१२२ ÷ २२१ – २१२२
काफिया : आ ( एकाक्षरी स्वर )
रदिफ : विचित्रका छन्
अभ्यास : स्वर्ण पाठशाला