Sansar News
शोभाकान्त रेग्मी
वालिङ -२ धौखोला, स्याङ्जा
मनको बह
सुन्ने कोही हुँदैन
आँसुको दह ।१।
भाग्यको खेला
भोग्नैपर्छ एक्लैले
परेको बेला ।२।
आह्वान गर्दा
सहयोग सबैको
आपत पर्दा ।३।
अजर हैन
आज मर्ने कि भोलि ?
निश्चित छैन ।४।
ईश्वर जपौं
जन्म हुन्छ सार्थक
सुज्ञान थपौं ।५।
कुरा बुझेर
बस्नु कतै हुँदैन
त्यसै रुझेर ।६।
सत्यता खोज्नु
पाप कर्म नगर्नु
धर्म नै रोज्नु ।७।
बुझुन् यो सारा
हिन्दुराज्य नेपाल
विश्वको तारा ।८।
चिनारी दामी
देश बुद्ध जन्मेको
नेपाली हामी ।९।
कम्मर कसौँ
ल्याउँ शान्ति समृद्धि
मिलेर बसौं ।१०।
वि.सं.२०८२ फागुन ९ शनिवार ०५:५० मा प्रकाशित
