Sansar News
अम्बिका राणा,खरसाङ , दार्जीलिङ
कहिलेकाहीँ नसोचेको कुरो पनि हुँदोरहेछ
फूल बोक्ने साथीको हातमा छुरो पनि हुँदोरहेछ
संसारमा पनि कान फुक्नेहरू पनि हुन्छ धेरै ,
जगतमा आखिरमा त टुहुरो पनि हुँदोरहेछ
होइन रहेछ हामीले देखिने क्षितिज नै अन्त
जिन्दगीमा नि कति त बेसुरो पनि हुँदोरहेछ
जिन्दगीको यो अचम्म हुँदोरहेछ खेल हाम्रो
त्यहाँदेखि उता अर्को चुचुरो पनि हुँदोरहेछ
कतिको जीवन पनि लीला चाँडै नै सकिन्छ यहाँ
जिउनु चाहँदा चाहँदै अधुरो पनि हुँदोरहेछ
अनुप्रास : उरो
शेष अनुप्रास : पनि हुँदोरहेछ
अभ्यास ; चारु अभ्यास पाठशाला
वि.सं.२०८२ फागुन ९ शनिवार ०५:५२ मा प्रकाशित
