हामी सबैकाे संसारन्यूज

काठमाडौं । ओप्पो ले आफ्नो नयाँ स्मार्टफोन ओप्पो ए६एक्स नेपाली बजारमा आधिकारिक रूपमा सार्वजनिक गरेको छ ।

दैनिक प्रयोगलाई लक्षित गरी ल्याइएको यो स्मार्टफोनमा टिकाउपन, सहज प्रदर्शन र लामो समय टिक्ने ब्याट्रीको संयोजन रहेको कम्पनीले जनाएको छ । भित्री तथा बाहिरी दुवै वातावरणमा प्रयोग गर्न मिल्ने सुविधासहित यो फोन विभिन्न प्रयोगकर्ताका लागि उपयुक्त हुने अपेक्षा गरिएको छ ।

यस स्मार्टफोनमा ६ जीबी र्याम र १२८ जीबी आन्तरिक स्टोरेज रहेको छ । आइस ब्लु र प्लम पर्पल गरी दुई रंगमा उपलब्ध रहेको फोनमा ६.७५ इन्चको एचडी प्लस अल्ट्रा ब्राइट डिस्प्ले दिइएको छ, जसमा १२० हर्ज रिफ्रेस रेट रहेको छ ।

टिकाउपनका लागि आईपी६४ स्तरको धुलो तथा पानी प्रतिरोध क्षमता दिइएको छ । ‘स्प्ल्यास टच’ र ‘ग्लोभ टच’ सुविधाका कारण भिजेको हात वा पञ्जा लगाएर पनि सहज रूपमा प्रयोग गर्न सकिने कम्पनीको दाबी छ ।

फोनमा स्न्यापड्रागन ६८५ प्रोसेसर प्रयोग गरिएको छ, जसले दैनिक प्रयोगका लागि सहज प्रदर्शन दिने बताइएको छ । यसमा यूएफएस २.२ स्टोरेज र कलरओएस १५ अपरेटिङ सिस्टम रहेको छ ।

६५०० एमएएच क्षमताको ब्याट्रीसहित आएको यस फोनमा १५ वाट चार्जिङ र रिभर्स चार्जिङ सुविधा पनि उपलब्ध छ ।

नेपालमा ओप्पो ए६एक्स को मूल्य ३२ हजार ४९९ रुपैयाँ तोकिएको छ । सार्वजनिक अफरअन्तर्गत ग्राहकहरूले खरिद गरेको एक महिनाभित्र दुई महिनासम्म मान्य हुने साट्ने सुविधा पाउनेछन्, जुन असार १०, २०८३ सम्म लागू हुने कम्पनीले जनाएको छ । साथै पहिलो ३०० जना ग्राहकलाई विशेष ओप्पो फोन स्ट्यान्ड उपहारस्वरूप प्रदान गरिनेछ ।