हामी सबैकाे संसारन्यूज

काठमाडौँ । सरकारले पूँजी बजारमा पेन्सन कोष तथा गैरआवासीय नेपालीको सहभागिता गराउने नीति तथा कार्यक्रममा उल्लेख गरेको छ ।

आगामी आर्थिक वर्ष २०८३÷८४ को नीति तथा कार्यक्रम संसदमा सार्वजनिक गर्दै राष्ट्रपति रामचन्द्र पौडेलले यस्तो घोषणा गरेका हुन् ।

‘पूँजी बजारमा संस्थागत लगानीकर्ता, पेन्सन कोष, बीमा, म्युचुअल फन्ड र गैर आवासीय नेपालीको सहभागिता विस्तार गरिनेछ’ आगमी आवको नीति तथा कार्यक्रममा उल्लेख गरिएको छ ।

सरकारले पूँजी बजारलाई सुरक्षित, प्रतिस्पर्धी र अन्तर्राष्ट्रिय मापदण्डअनुसार विकास गर्ने लक्ष्य राखेको छ । यसका लागि बजारका मुख्य संयन्त्रहरूमा व्यापक सुधार गरिने नीति तथा कार्यक्रममा उल्लेख छ।

धितोपत्र बोर्ड , नेपाल स्टक एक्सचेन्ज र सिडिएस एण्ड क्लियरिङ को प्रणालीलाई समयानुकूल पुनर्संरचना गरिनेछ भने धितोपत्र नियमन प्रणालीलाई थप पारदर्शी र प्रविधिमैत्री बनाउने पनि नीति तथा कार्यक्रममा उल्लेख गरेको छ