हामी सबैकाे संसारन्यूज

काठमाडौँ, २४ जेठ – कालीमाटी फलफूल तथा तरकारी बजार विकास समितिले आज (सोमबार) का लागि विभिन्न कृषिउपजको अधिकतम थोक मूल्य सार्वजनिक गरेको छ। समितिका अनुसार तरकारी तथा फलफूलका मूल्यमा विविधता देखिएको छ।

तोकिएको मूल्यअनुसार गोलभेँडा ठूलो (नेपाली) प्रतिकिलो रु ६०, भारतीय ठूलो रु ७०, लोकल सानो रु ३०, टनेलको सानो गोलभेँडा रु ४५ तोकिएको छ। आलुमा रातो लाम्चोको मूल्य रु ४०, रातो गोलो रु ३५ र सेतो आलु रु २५ प्रतिकिलो रहेको छ। प्याज सुकेको (भारतीय) रु ४३ प्रतिकिलो कायम गरिएको छ।

सागपातमा रायोसाग रु ७०, पालुङ्गो रु ९०, हरियो प्याज रु १२० प्रतिकिलो छ। च्याउको मूल्य उच्च देखिएको छ — च्याउ (कन्य) रु २२०, डल्ले च्याउ रु ४००, राजा च्याउ रु ३५०, सिताके च्याउ प्रतिकिलो रु एक हजार तोकिएको छ। कुरिलोको मूल्य रु ३५० प्रतिकिलो रहेको छ।

फलफूलतर्फ स्याउ (फुजी) रु ३००, केरा (नेपाली) दर्जन रु २००, मालभोग केरा रु २२० प्रतिदर्जन छ। लिची लोकल रु २५०, भारतीय रु ३०० प्रतिकिलो रहेको छ। आँप मालदह रु १२०, दशहरी रु १३० प्रतिकिलो तोकिएको छ।

बन्दा (लोकल) रु ६०, काउली रु ८०, गाजर (लोकल) रु १२०, ब्रोकाउली रु १२० प्रतिकिलो रहेको छ। मटरकोसाको मूल्य रु २०० प्रतिकिलो कायम गरिएको छ।

खुर्सानी हरियो लाम्चो रु ५०, बुलेट रु ४०, माछे खुर्सानी रु ६० तथा भेडेखुर्सानी रु ८० प्रतिकिलो रहेको छ। सुकेको खुर्सानी प्रतिकिलो रु ४५० छ। लसुन सुकेको (चाइनिज) रु २२०, नेपाली रु १८० प्रतिकिलो तोकिएको छ।

ताजा माछामा रहु रु ३४०, बचुवा रु ३००, छडी रु २५० तथा सुकेको माछा प्रतिकिलो रु एक हजार निर्धारण गरिएको छ।

समितिले आजको मूल्य अधिकतम थोक मूल्य (प्रतिकिलोग्राम वा प्रतिदर्जन) भएको र खुद्रा बजारमा यो मूल्य भन्दा बढी हुनसक्ने जनाएको छ।