हामी सबैकाे संसारन्यूज

काठमाडौँ । राहदानी विभाग अगाडि मुगुका २५ वर्षीय गणेश नेपालीले गरेको आत्मदाहको प्रयास र त्यसपछिको दुःखद निधनको घटनाले प्रतिनिधि सभा बैठकलाई पूर्ण रूपमा स्तब्ध बनाएको छ ।

बिहीबारको संसद् बैठकमा सोही हृदयविदारक घटनाबारे विस्तृत जानकारी गराउने क्रममा गृहमन्त्री सुधन गुरुङ आफैँ निकै भावुक बनेका थिए ।

घटनाको विवरण सुनाउँदा सुनाउँदै गृहमन्त्री गुरुङको गला अवरुद्ध भएको थियो र आँसु झारेका कारण उनी केही बेर बोल्न समेत सकेनन्। मन्त्री गुरुङले आफूलाई सम्हाल्दै घटनाको ब्रिफिङ गर्न थालेपछि संसद्मा उपस्थित सत्तारुढ दल राष्ट्रिय स्वतन्त्र पार्टी (रास्वपा) का सांसदहरू समेत आफ्ना आँसु रोक्न नसकेर रोएका थिए ।

देशको बिग्रँदो स्थिति र एउटा युवाको दर्दनाक अन्त्यको यो खबरले सम्पूर्ण संसद्को वातावरण नै शोकमग्न बनाएको थियो।