हामी सबैकाे संसारन्यूज

काठमाडौँ । नेपाल राष्ट्र बैंकको जाहेरीका आधारमा बैंकिङ कसूर तथा सजाय ऐन, २०६४ अन्तर्गतको मुद्दामा संलग्न चार जना प्रतिवादीलाई प्रहरीले आज पक्राउ गरेको छ।

उच्च अदालत पाटन, ललितपुरबाट पक्राउ अनुमति लिई प्रहरीले उनीहरूलाई २०८३ साउन १३ गते नियन्त्रणमा लिएको हो । नेपाल सरकारवादी रहेको शशिधर शर्मा समेत जोडिएको उक्त बैंकिङ कसूर मुद्दामा संलग्न रहेको आरोपमा उनीहरूलाई पक्राउ गरिएको प्रहरीले जनाएको छ।

पक्राउ पर्नेहरूमा बैतडीको पाटन नगरपालिका वडा नं. २ घर भई हाल काठमाडौँको तीनकुने बस्ने ४० वर्षीया रश्मी पन्त, गुल्मीको ग्वादी–६ घर भई हाल रुपन्देहीको सिद्धार्थनगर–८ बस्ने ४४ वर्षका सन्तोष ज्ञवाली रहेका छन् ।

त्यसैगरी गुल्मीकै अमरअर्वाथोक–५ घर भई हाल सिद्धार्थनगर–७ बस्ने ४१ वर्षीय राजेन्द्र श्रेष्ठ र रुपन्देहीको तिलोत्तमा नगरपालिका–४ (साबिक शंकरनगर–३) का ४८ वर्षीय शिशिर पौडेललाई पनि प्रहरीले नियन्त्रणमा लिएको छ।

पक्राउ परेका चारै जनामाथि हिरासतमा राखेर थप अनुसन्धान प्रक्रिया अगाडि बढाइएको प्रहरीले जनाएको छ