Sansar News
चितवन । जेन्जी (जेन–जेड) आन्दोलनका क्रममा कारागारबाट फरार भएका एक कैदीलाई भरुवा बन्दुकसहित चितवन प्रहरीले पक्राउ गरेको छ।
जिल्ला प्रहरी कार्यालय चितवनका अनुसार २०८२ चैत २३ र २४ गते भएको जेन–जेड आन्दोलनका क्रममा जिल्ला कारागार भरतपुरबाट फरार भएका मधुमाया विकका छोरा २९ वर्षीय आईसिंह लामिछाने पक्राउ परेका हुन्।
प्रहरीका अनुसार उनी कारागारबाट फरार भएपछि लामो समयदेखि फरार सूचीमा रहेका थिए। विशेष सूचनाका आधारमा खोजतलासका क्रममा आइतबार बिहान करिब १०:१५ बजे भरतपुर महानगरपालिका–५ स्थित पण्डारा शिवनगर क्षेत्रबाट उनलाई पक्राउ गरिएको हो।
पक्राउका क्रममा लामिछानेको साथबाट एक थान भरुवा बन्दुक समेत बरामद गरिएको जिल्ला प्रहरी कार्यालय चितवनले जनाएको छ।
प्रहरीले पक्राउ परेका लामिछानेमाथि आवश्यक अनुसन्धान अघि बढाइएको जनाएको छ।
#प्रहरी #फरार कैदी
वि.सं.२०८३ साउन १७ आइतवार १३:०७ मा प्रकाशित
