हामी सबैकाे संसारन्यूज

काठमाडौं । ललितपुरको ग्वार्कोमा बिहीबार बिहान बस दुर्घटना हुँदा एक जनाको मृत्यु भएको छ भने १० जना घाइते भएका छन्।

कोटेश्वरबाट सातदोबाटोतर्फ जाँदै गरेको बा।२ ख ३५९० नम्बरको बस ग्वार्कोस्थित पुलको पर्खालमा ठोक्किएपछि दुर्घटना भएको हो।
दुर्घटनामा घाइते भएका १० जनाको प्रहरीले उद्धार गरी उपचारका लागि बीएण्डबी अस्पताल पठाएको छ।

उपत्यका ट्राफिक प्रहरी कार्यालयका एसपी नरेश सुवेदी का अनुसार दुर्घटनामा एक जनाको मृत्यु भएको छ। मृतकको पहिचान सार्वजनिक गरिएको छैन।

प्रहरी वृत्त सातदोबाटोका डीएसपी वकिल सिंहको नेतृत्वमा खटिएको प्रहरी टोलीले घटनास्थलमा पुगेर उद्धार तथा आवश्यक व्यवस्थापन गरेको प्रहरीले जनाएको छ।

दुर्घटनाको कारणबारे प्रहरीले अनुसन्धान सुरु गरेको छ।