Logo
५ माघ २०७८, बुधबार
     Wed Jan 19 2022
E-paper
  English Edition
   Unicode
Logo

बिजुक्छेको ‘सय वर्षपछिको भक्तपुर’ सार्वजनिक



२५ असार, भक्तपुर । नेपाल मजदुर किसान पार्टीका अध्यक्ष नारायणमान बिजुक्छेद्वारा लिखित ‘सय वर्षपछिको भक्तपुर’ को दोस्रो संस्करण सार्वजनिक गरिएको छ ।

नेपाल क्रान्तिकारी सांस्कृतिक सङ्घ केन्द्रीय समितिले यहाँ शनिबार आयोजना गरेको कार्यक्रममा आगामी १०० वर्षपछि भक्तपुर कस्तो हुन्छ भन्ने परिकल्पना गरेर लेखिएको उक्त कृति सार्वजनिक गरिएको हो ।

सो अवसरमा लेखक बिजुक्छेले आगामी १०० वर्षमा भक्तपुर कस्तो हुन्छ भन्ने परिकल्पना गरेर तयार पारेको कृतिअनुसारको समाज निर्माण हुने बताउनुभयो ।

काठमाडौँ उपत्यकाको विकासबारेमा वर्र्षांै पहिले विज्ञहरूले बनाएको विकासको खाका विपरीत अहिले बस्ती विकास भएको बताउँदै उहाँले कृतिमा भएको परिकल्पनाअनुसार अगाडि बढ्दा भक्तपुरको विकास त्यसअघि नै हुन सक्ने बताउनुभयो ।

अध्यक्ष बिजुक्छेले स्मार्ट सिटी बनाउने नाममा केही राजनीतिक दल हरित क्षेत्र विनाशको काममा लागेकामा दुःख व्यक्त गर्नुभयो ।

साहित्य तथा संस्कृतविद्, शताब्दी पुरुष सत्यमोहन जोशीले भक्तपुरका प्रसिद्ध नवदुर्गा र महाकाली नाचलाई विश्वसम्पदा सूचीमा सूचीकृत गर्ने प्रक्रिया अगाडी बढाउनुपर्नेमा जोड दिदैं यो कृति भक्तपुरका बासिन्दाका लागि मार्ग निर्देशित हुने विश्वास व्यक्त गर्नुभयो ।

भक्तपुरले आफ्नो संस्कृति संरक्षणमा विशेष ध्यान दिनुपर्नेमा पनि उहाँले जोड दिनुभयो ।

प्राध्यापक तथा समालोचक माणिकलाल श्रेष्ठ, वरिष्ठ पत्रकार भैरव रिसाल, संस्कृतिविद् तेजेश्वरबाबु ग्वङ, सम्पदाकर्मी रवीन्द्र पुरी, वरिष्ठ अधिवक्ता कृष्णप्रसाद भण्डारी, साहित्यकार डा रामप्रसाद ज्ञवाली, पत्रकार समाज नेपालका अध्यक्ष लक्ष्मणराज जोशी, सङ्घका केन्द्रीय अध्यक्ष सुरेन्द्रराज गोसाईंलगायतले १०० वर्षपछिको भक्तपुरमा परिकल्पना गरिएको समाज आगामी समयमा परिवर्तन र विकासको सम्वाहक हुने बताउनुभयो ।

आधा शताब्दीअघिको नेपाल र अहिलेको नेपालमा निकै परिवर्तन आइसकेको अनुभूति सुनाउँदै उनीहरूले राजनीतिक नेतृत्व सही दिशामा नभए देश कहाँ पुग्ने हो भने चिन्ताको विषय भएको बताउनुभयो ।

बिजुक्छेको उक्त कृतिको पहिलो संस्करण विसं २०५९ मा प्रकाशित भएको थियो भने अहिले दोस्रो संस्करण सार्वजनिक गरिएको हो


यो खबर पढेर तपाईलाई कस्तो महसुस भयो ?

काठमाडौं । अब ८ सय रुपैयाँमै कोरोना परीक्षण गर्न पाइने भएको छ । स्वास्थ्य

झापा । पूर्वी नाकामा राजस्व असुलीमा वृद्धि भएको छ । चालू आर्थिक वर्षको छ

काठमाडौं । सत्तारुढ गठबन्धनभित्र वैशाखमै चुनाव गर्ने विषयले खटपट सिर्जना गरेको छ । निर्वाचन

५ माघ, काठमाडौँ । सिद्धार्थ बैंक लिमिटेड र चितवनको भरतपुरस्थित चितवन मिडटाउन रिर्सोट प्रा।

काठमाडौं । नेपालमा आज ११ हजार ३५२ जनामा कोरोना संक्रमण पुष्टि भएको छ ।