Logo
८ माघ २०७८, शनिबार
     Sat Jan 22 2022
E-paper
  English Edition
   Unicode
Logo

वर्षाका कारण सय परिवार विस्थापित, एक बेपत्ता



२१ साउन, धनगढी । अविरल वर्षासँगै कैलालीको कान्द्रा नदीमा आएको बाढीमा बगेर शुक्रबार भजनी नगरपालिकाका प्रह्लाद चौधरी बेपत्ता भएका छन् ।

घरमा पालेको हाँस नदीमा बगेपछि बचाउन जाँदा चौधरी नदीमा डुबेर बेपत्ता भएको प्रजिअ गोविन्द रिजालले बताउनुभयो । प्रहरीले बेपत्ता चौधरीको खोजी गरिरहेको छ ।

वर्षाका कारण कैलालीका नदी तथा खोलामा बढेको पानी गाउँ पसेपछि घोडाघोडी, टीकापुर, भजनी, कैलारी र जानकी क्षेत्र जलमग्न भई एक सय घर परिवार विस्थापित छन् । प्रजिअ रिजालले घरमा पानी पसेर ती परिवार विस्थापित भएको बताउनुभयो । विस्थापितलाई नजिकको विद्यालयमा राखिएको छ ।

नेपाल रेडक्रस सोसाइटीले विस्थापितका लागि चाउचाउ, बिस्कुटलगायत खानेकुराको व्यवस्था मिलाएको छ । वर्षाले डुबानमा परेर बिचल्लीमा परेका टीकापुर नगरपालिका, पथरैया क्षेत्रका १३० जनालाई नेपाल प्रहरी र सशस्त्र प्रहरीको टोलीले सकुशल उद्धार गरेका छन् ।

यस्तै कैलारीका कटैनी र भुइयाफाटामा डुबानमा परी अलपत्र परेका २५ जनाको उद्धार गरिएको छ । वर्षापछि भएको डुबानबाट दुई सय घरपरिवार आंशिक रुपमा प्रभावित भएका छन् । अविरल वर्षासँगै कान्द्रा, पथरैया, मोहना नदीमा पानीको सतह बढेपछि तटीय क्षेत्रका बासिन्दालाई सुरक्षित रहन सूचना गरिएको छ ।


यो खबर पढेर तपाईलाई कस्तो महसुस भयो ?

काठमाडौं । विगत सातवर्षदेखि बजारमा स्र्पस हनीको नाममा चिनीको मह बनाएर बेच्ने एक व्यक्ति

७ माघ, काठमाडौँ । अष्ट्रेलियामा हुने आईसीसी टि-२० विश्वकपको खेल तालिका सार्वजनिक भएको छ

काठमाडौं । नेपाली सेनाभित्र विवाद जन्मिएको छ । प्रधानसेनापति प्रभुराम शर्माले बढुवा र पदावधि

नौ वर्षको बाल्यकालमा उहाँको बिवाह धर्मागत तिवारीसंग भयो । बि.स.१९८२ को साउने झरीमा जन्मेकी