Logo
१४ माघ २०७८, शुक्रबार
     Fri Jan 28 2022
E-paper
  English Edition
   Unicode
Logo

प्रदेश नं २ मा समेत एमाले पहिलो पार्टी बन्ने एमालेको दावी



२२ साउन, महेन्द्रनगर (धनुषा) । नेकपा (एमाले) का महासचिव ईश्वर पोखरेलले प्रदेश नं २ कोे आसन्न स्थानीय तह निर्वाचनमा पनि आफ्नो पार्टी पहिलो बन्नदाबी गरेका छन् ।

एमाले धनुषाद्वारा जनकपुरमा शनिबार कार्यकर्ता भेलालाई सम्बोधन गर्दै उहाँले एमालेको नीति र सिद्धान्तलाई रुचाएरै नेपाली जनताले स्थानीय तहको दुवै चरणको निर्वाचनमा पहिलो पार्टी बनाएको दाबी गरे ।

एमाले संविधान संशोधनको पक्षमा रहेको बताउँदै उनले हाल व्यवस्थापिका–संसद्मा दर्ता भएको संविधान संशोधन प्रस्तावको विषयवस्तु स्पष्ट नभएका कारण एमाले विपक्षमा रहेको बताए । हिन्दी भाषालाई सरकारी कामकाजको भाषा बनाउन षडयन्त्र चलिरहेको भन्दै उनले नेपालमा बोलिने नेपाली भाषाबाहेक अन्य जुनसुकै दुई भाषालाई सरकारी कामकाजको भाषा बनाउन संविधान मै व्यवस्था गरिएको प्रष्ट पारे ।

महासचिव पोखरेलले मधेशमा आन्दोलनको बेला पेट्रोल छर्किने र काठमाडौँबाट गोली चलाउन आदेश दिने काम गरेर काँग्रेसले दोहोरो चरित्र प्रदर्शन गर्दै आएको आरोप लगाए ।

कार्यक्रममा एमालेका सचिव एवं प्रचार विभाग प्रमुख योगेश भट्टराईले काँग्रेसको षडयन्त्रमा राजपा दिनानुदिन फस्दै गएको बताए । उनले भने, “राजपा सत्तापक्ष हो कि प्रतिपक्ष ? प्रतिपक्ष हो भने एमाले पनि प्रतिपक्षीको भूमिका निर्वाह गरिरहेकाले एमालेलाई दोष लगाउनुभन्दा एमालेसँग हातेमालो गरेर अगाडि बढनुपर्छ ।”

उनले एमाले नेतृत्वको सरकारको पालामा तराई मधेशमा विकासले गति लिएकाले तराई मधेशका जनताले एमालेलाई रोज्ने दाबी पनि गरे ।


यो खबर पढेर तपाईलाई कस्तो महसुस भयो ?

काठमाडौं । नेपाल कम्युनिष्ट पार्टीभित्रको विवाद उत्कर्षमा पुगेको छ । विवाद चलिरहेकै बेला पार्टी

फर्शुराम भुर्तेल । पर्वतको पैयुमा श्रद्धान्जली सभा सम्पन्न गरीएको छ । गण्डकी प्रदेश पर्वत

तनहुँ । खेत मासेर तनहुँमा एक व्यक्तिले रिसोर्ट निर्माण गरेका छन् । पोखरा निवासी

काठमाडौं । नेपालको सम्पुर्ण बैंकिङ क्षेत्रमा लगानीयोग्य पुँजीको तरलतामा समस्या देखिएको छ । झण्डै