हामी सबैकाे संसारन्यूज

२ असोज, स्पेन । पहिलो रोजाईका आधा दर्जन खेलाडी मैदानमा रहेतापनि लालिगा अन्तर्गत गएराति भएको खेलमा रियलले उत्कृष्ट जित हात पारेको छ । विगतका दुई खेल निरन्तर बराबरीमा खेलेर आलोचना खेपिरहेको रियल म्याड्रिडले रियल सोसिडाडलाई उसकै घरेलु मैदानमा ३ १ गोल अन्तरले पराजित गर्दै रियलले महत्वपुर्ण जित हात पारेको हो ।

रियलको लागि युवा खेलाडी बोर्जा मायोरल नायक बने उनले खेलमा महत्वुपुर्ण एक गोल गरेका थिए । भने दास्रो गोलमा समेत मैदानको मध्य भाग बाट बल लगेर डि बक्स बाट सट लिने क्रममा सोसिडाडको खेलाडीको खुट्टामा लागेर गोलमा परिणत भएको थियो । यस्तै रियलको अन्तिम गोल भने ग्यारेथ बेलले गरेका थिए ।
सोसिडाडका केभिन रोड्रिग्वेजले एक गोल फर्काएका थिए । मायोरलले  रियल सँगको को अफिसियल खेलमा पहिलो पटक रियलको जर्सी बाट गोल गरेका हुन् । जित सँगै   रियल ८ अंक सहित लिगको चौथो स्थानमा उक्लिएको छ ।