हामी सबैकाे संसारन्यूज

२७ असोज, काठमाडौँ । विश्व क्रिकेट लिग च्याम्पियनसीप अन्तर्गतको खेलमा हङकङसँग नेपाल ८३रनको भारी रनले पराजित भएको छ । हङकङले दिएको १९५ रनको लक्ष्य पछ्याएको नेपालले ३४।५ ओभरमा मात्र १११ रनमा समेटियो ।

ओपनर सागर पुन मात्र ३ रनमा आउट भएका थिए । त्यसपछि क्रिजमा आएका कप्तान पारस खड्का सँग मिलेर उपकप्तान ज्ञानेन्द्र मल्लले रन बनाउन खोजेतापनि मल्ल २१ रनमा आउट भए ।

लगत्तै दीपेन्द्रसिंह ऐरी पनि आउट भएपछि पारस खड्काले आरिफ शेखसँग नेपालको लागि केहि आश लाग्दो प्रर्दशन गरेका थिए तर, १८ औँ ओभरमा पारस आउट भएपछि नेपाल ६९ रनको स्थितिमा चार विकेट गुमाएको स्थितिमा पुग्यो ।

अन्त्यतिर विनोद भण्डारीले आक्रमक खेल प्रस्तुत गर्दै १ छक्का र २ चौकाको मद्दतले १८ रन बनाए पनिजितको लागि प¥याप्त हुन सकेन ।
हङकङका लागि जेके एटकिन्सनले सर्वाधिक ७६ रनको योगदान दिए । त्यस्तै तनविर अफजल ३८, बाबर हायात २९ रन, एहसान नवाज १६, निजाकत खान १२, वकास खान १४ रनमा पेभेलियन फर्केका थिए ।
बलिङतर्फ भने नेपालका लागि सन्दिप लामिछानेले तीन विकेट लिए । त्यस्तै करण केसी तथा बसन्त रेग्मीले दुई–दुई विकेट तथा सुशन भारीले एक विकेट लिए ।