हामी सबैकाे संसारन्यूज

९ पुस, काठमाडौं । क्यान्सर रोगले पीडित बालिका कृष्टिना भण्डारीको उपचार (वोनम्यारो ट्रान्स प्लान्ट) का लागि २८ हजार १० रुपैयाँ हस्तान्तरण गरिएको छ ।
उक्त रकम सोलिडारिटी ट्रष्ट नेपालको कार्यालयमा आइतबार एक कार्यक्रमको आयोजना गरि हस्तान्तरण गरिएको हो ।
सोलिडारिटी ट्रष्टकी अध्यक्ष चन्दा थापा तथा सुप्रिम स्कु्लका तर्फबाट कविता श्रेष्ठले कृष्टिनाका बाबु कृष्ण भण्डारीलाई संयुक्त रुपमा उक्त रकम हस्तान्तरण गरेका हुन ।

उक्त रकम सहयोग गर्नेहरुमा सुप्रिम इन्टरनेशनल हाइ स्कुल चावहिल मैजु वहालका तर्फबाट २० हजार १० रुपैयाँ तथा रुवि गुरुङ इजरायल २ हजार, बसुन्धरा तिवारी, हुमा सापकोटा ३ हजार र नाम नराख्ने शर्तमा सहयोगी मन लिएर सहयोग गर्नेबाट २ हजार र अन्य एक व्यक्तिबाट १ हजार गरी जम्मा ८ हजार हस्तान्तरण गरिएको हो ।
उक्त रकम हस्तान्तरणमा रकम बुझ्दै कृष्टिनाका बाबु कृष्ण भण्डारीले सबै सहयोगी मनलाई धन्यवाद तथा आभार व्यक्त गरेका थिए ।