Logo
२४ श्रावण २०७९, मंगलवार
     Tue Aug 9 2022
E-paper
  English Edition
   Unicode
Logo

हिमचुलीमा ५ हजार महिला सदस्य, सुत्करीखर्चसहित सुविधै सुविधा



४ माघ, कालीकोट । दर्ता भएको छोटो समयमा ख्याति कमाउन सफल भएको एक सहकारी संस्थाले आफ्ना सदस्यमा राहतका कार्यक्रमको थालनी गरेको छ ।

जिल्लामा रहेको हिमचुली कृषि सहकारीले आफ्ना सदस्यको हितका लागि थुप्रै राहतका कार्यक्रम लागू गरेको छ । अहिले सात हजार शेयर सदस्य रहेको सो सहकारीमा पाँच हजार ५०० को हाराहारीमा महिला सदस्य रहेका छन् । महिला सदस्यको हितलाई मध्य नजर गर्दै राहतका कार्यक्रम अघि सारेको हो ।

सहकारी संस्थाले आफ्नो स्वलगानी र सदस्यलाई कर्जा प्रवाह गर्दा एक प्रतिशत कटाई खडा गरेको कोषबाट सदस्यलाई राहत प्रदान गर्दै आएको संस्थाका लघुवित्त कार्यक्रम निरीक्षक सिंहबहादुर शाहीले बताए । उनका अनुसार सदस्यलाई सुत्केरी खर्च दुई बच्चासम्म मात्र रु ५०० देखि रु एक हजारसम्म, सदस्यको मृत्यु भएमा रु एक हजारदेखि रु १५ हजारसम्म तथा सदस्यको श्रीमान्को मृत्यु भएमा रु दुई हजार र दुर्घटनाबाट सदस्यको मृत्यु भएमा रु एक लाखसम्म राहत दिन थालिएको छ ।

चालु आवमा यस संस्थाबाट सुत्केरी खर्च ३२ जनालाई, सदस्यको श्रीमान्को मृत्यु भएका १७ जना र दुर्घटना बीमाबापत एकजनालाई राहत प्रदान गरिएको छ । जिल्लाका छ गाउँपालिका र तीन नगरपालिकामा कार्य क्षेत्र रहेको सो सहकारीका पाँचवटा सेवा कार्यालय रहेको छ । हिमचुली कृषि सहकारी संस्थाले विप्रेषण, लघुवित्त कार्यक्रम, बचत तथा ऋण, वैकल्पिक ऊर्जा कार्यक्रम, सुधारिएको चुलो, कृषि बजारीकरण, दूध डेरी, भेडाबाख्राको आधुनिक खोर निर्माणलगायत कार्यक्रम गर्दै आएको छ ।

यस सहकारी संस्थाले ४० जनालाई रोजगार दिएको छ भने अप्रत्यक्षतर्फ २०० को हाराहारीमा रोजगारीको सिर्जना भएको संस्थाका कार्यकारी निर्देशक भीमप्रसाद बरालले बताउनुभयो । यस सहकारी संस्थाले मंसिर मसान्तमा रु १५ करोड कर्जा प्रवाह, रु एक करोड २६ लाख शेयर पूँजी संकलन गरेको छ भने निक्षेप रु तीन करोड ५० लाख रहेको छ । जिल्लामा १४० वटा सहकारी दर्ता भएपनि क्रियाशील अवस्थामा दुई दर्जन मात्र छन् ।


यो खबर पढेर तपाईलाई कस्तो महसुस भयो ?

काठमाडौं । सवारी चालक अनुमति पत्र (लाइसेन्स)को लागि लिइने परीक्षामा ७० अंक ल्याए पास

काठमाडौं । काठमाडौंको मुटु मानिने थापाथलीमा रहेको नर्भिक अस्पतालले एक रोपनी ८ आना १

काठमाडौं । काठमाडौं महानगरपालिकाका मेयर बालेन्द्र साहले २४ घण्टामा नर्भिक अस्पताल परिसरमा सरकारी सम्झौता

नवलपुर– पढाईमा उत्कृष्ट हुन थालेपछि नवलपुरमा निजी छाडेर सरकारी विद्यालय रोज्ने बढ्न थालेका छन्