Sansar News
जनता बैंक नेपाल लिमिटेडले आफ्नो ‘जनता रेमीट’ को मुख्य एजेन्ट भइ काम गर्न बुम रेमिट्यान्स प्रा लि. लाई नियुक्त गरेको छ । चैत्र २२ का दिन जनता बैंक नेपाल लिमिटेडको तर्फबाट प्रमुख कार्यकारी अधिकृत परसुराम कुँवर क्षेत्रीे र बुम रेमिट्यान्सको तर्फबाट प्रबन्ध निर्देशक धिरेन्द्र पन्तले यस सम्बन्धी सम्झौतामा हस्तक्षर गरेका छन् ।
सम्झौता बमोजिम ‘जनता रेमिट’ मार्फत पठाएको रकम बुम रेमिट्यान्स प्रा. लि. ले आफ्नो एजेन्ट र शाखाहरु मार्फत भुक्तानी गर्नेछ भने बुम रेमिट् मार्फत नेपालीले विदेशबाट पठाएको रकम जनता बैंक नेपाल लि. ले आफ्नो एजेन्ट र शाखाहरु मार्फत भुक्तानी गर्नेछ ।
बुम रेमिट्यान्स र जनता बैंक नेपाल लि. दुबैको गरेर नेपालमा ७७ वटै जिल्लामा १०,००० वटा भन्दा बढि सबऐजेन्टहरु छन् भने जनता बैंक नेपाल लि. को नेपाल भरी १०७ वटा शाखाहरु छन् । बुम रेमिटले जनता बैंक नेपाल लि. स‘ग सहकार्य गरी विदेशमा समेत बजार प्रर्वद्धन गरि विदेशमा रहेका नेपालीले विदेशबाट नै खाता खोल्ने प्रवन्ध मिलाउने समेत सम्झौता भएको छ ।
हाल बुम रेमिट्यान्सले खाडि मुलूकहरू र हङ्गकङ्गबाट रेमिट्यान्सको कारोवार गर्दै आएको छ र चाँडै नै मलेसिया, कोरिया, जापान, क्यानडा, अस्टेलिया, युरोप, ईजरायल, भारत र अमेरिकाबाट समेत कारोवार शुरु गर्ने जनाएको छ ।
आन्तरिक संञ्जाललाई तिब्ररूपले विस्तार गर्दै आएको जनता बैंक तथा बुम रेमिट दुबैले विदेशमा पनि आफ्नो संञ्जाललाई तिब्ररूपले विस्तार गर्दै जाने रणनीति लिएको छ ।
वि.सं.२०७४ चैत २४ शनिवार १२:१४ मा प्रकाशित
